هذه قصة واقعية حصلت في قرية من قرى المملكة
أحب شاب فتاة حب صادق لكن أهل الشر وقفو له بالمرصاد فحالو دونها ودونه فكتب هذه القصيدة على مشلحة ومات
وسوف أقتطف منها البعض لأن القصيدة طويلة جدا
************************************************** ************************************
ألف وألف من جواب نظيفي ****** ودموع عيني فوق خدي ذريفي
ماللام في حب الحبيب الوليفي ***** دقاق رمش العين سيد الخوندات
خوندات اللي مابعد عاشرنه ******** قله تراهن بالهوى يذبحنه
قلبي وقلبيك من عروقه خذنه ******** عزي لمن مثلي تعرض للافات
والباء بليت بحب خلي على ماش ******* ولا حصل لي منه مايبرد الجاش
غديت انا وياه طاسه ومنقاش ******** بالوصف كني يالمعزي سلامات
التاء تعبت الزين والزين مقفي ****** امشي وحتفي شايله فوق كتفي
لا شفت مجدول وكتف وردف ****** ما أقوى ألتفت لو طوحولي با لأصوات
الثاء ثمانه حب رمان طايف ********* او قحويان في رياض العطايف
متنفل بالزين سيد العفايف ********** عمهوجة فيعا من الحور شارات
شارات فيها من ظبي الحمادي ****** هي لذة الدنيا وغاية مرادي
من يوم قفى صويحبي من بلادي **** عليه جاوبت الحمامة بلأصوات
الجيم جاني من عشيري كلامي *** ولا لقينا من يرد السلامي
عليه زرع القلب هايف وضامي ***** مالي جد اكود البكاء والتنهات
أنهت على مافاتني من زماني ***** يوم الحبيب زارني في مكاني
وراي ماخذت القضى يوم جاني **** توي دريت البيض فيهن غرات
الحاء حلية بالوطن مالقيته ****** عذلت قلبي عنه ولا قويته
لوه يذكر يم مسكنه نصيته ****** أنصاه لو دوني دونه مسافات
مسافات لوهي في بحور الظلامي **** في وسط بتيل حداه الولامي
إذا حصل شف وبلوغ المرامي ******* عنيت له لوه ببحور الظلمات
الخاء خليلي صار عندي قريبي ****** جعلي نصيب له وهو من نصيبي
ودي نواجه نور عيني حبيبي ****** مار الوحيد لهيد مافيه نوهات
الدال * دامي ماقضبت الذوايب ***** لو قيل لي طيب فلا نيب طايب
دنو سداد القبر دنوا النصايب ****** ودنو دواة الحبر نكتب سجلات
سجلات أريد أكتب بها لي وصيه ***** عمري قضى يا وجد أهلي عليه
قولو لصافي اللون ياقف عليه ****** كود يرجع ويتحسف بما فات
الذال * ذالي عنه مدة ليالي ****** لوقيل طيب فأنا ابخص بحالي
والله ما يطري على شف بالي ****** ال انت ياراعي الثمان الرهيفات
رهيفات فيهن للمشقى طرابه ****** مجمول مدلول ولابه طنابه
هني من يدخا معه في ثيابه ****** وأسج أنا وياه في العمر سجات
الراء * ردوف صو يحبي ثقلنه ونهود للثوب الحمر شعلنه
مثومن مأحلى بياضه ودنه ****** في وسط ساق فيه من عرق الأرطات
الشين شاب الراس ياعذب الانياب **** وللي بطاري توبه كان ماتاب
مار ان بدي لي حاجة فافتح الباب ****** يرحمني اللي عالم بالخفيات
خفيات أنا فيك يازين مفتون ******* من حبك أسهر والخلايق ينامون
الهيتني عن مذهبي اللي يصلون ***** ما عاد أميز لو قرا التحيات
الصاد * مهوب صيدي قلة في الحريمي ****** لا شك كل له من الناس مشهات
مشهات أنت ياضبي الفريدي ***** حب العرب ينقص وحبك يزيدي
لاشفت زولك ذاك هو يوم عيدي ***** تصبح بساتين الظماير مريغات
الضاد ضد حال بيني وبينه ****** يقول هذا صانع لا تبينه
عسى الولي يبلاه في صبي عينه ***** يسهلر ولا يمرح من الليل ساعات
ساعات منهن مايشوف الجدار ******ولا يعرف الليل هو النهار
وعساه يوم الحشر يبعث حمار******* ويحملونه حمل الأسراف سيات .........


القصيدة طويلة مكونة من 100 بيت لكنها جميله وفيها معاناة اتمنى أن تحوز على رضاكم......

ألفية رائعة جدا ذكرتني باألفية أبن عمار والتي يقول فيها


الف اولف من جوابٍِ نظيفــــــــي
............. ودموع عيني فوق خدي ذريفــي
من لام في حب الحبيب وليفـــي
............. دقـاق رمش العين سيد الخونـدات
خوندات الذي ما بعد عاشرنـه
................ قله تراهن بالهوى يذبحنــــــه
قلبي وقلبك من عروقه خذنـــــه
.............. عزي لمن مثلي تعرض للافـــات

البا بليت بحب خلي علــى ماش
.......... ولاحصل لي منه ما يبرد الجــــاش
غديت انا واياه طاســه ومنقاش
........... بالوصف كنه يالمعزي سلامــات
سلامات الذي يذكرونـــــه
........... يبغي المعزة منه وهي المهونــــه
يقول طيب مير غارت عيونـــه
........... سبب ولدكم واحد صابه ومــــات
----------------------------------------------------------

يعطيك مليون عافية وأقول صح لسان قائلها وأبدعتي في إختيارها