في مهمه مهن قصرٍِ من الناس خالي = يشتاق له من حس بالقلب هوجاس
قعدة في راسه وحيد ٍ لحالي = كنى براس َ الرٍجم مِذهب وحراس
مذكرٍ في مرقدي وش جرالي = وصفقت بالكفين ياسٍ على ياس
أخذت أعد ايامهاوالليالي = دنياً تقلب ما عرفنا لها اقياس
كم فرقت ما بين غالي وغالي = لو شفت منها ربح ترجع للأفلاس
يقطعك دنيامالا اول وتالي = لو ضحكت للغذل تقرع بالجراس
المستريح اللي من العقل خالي = ما هوب بلجات الهواجيس غطاس
ما هوب مثلي مشكلاته جلاالي = أجريت اسجلهن بحرٍ وقرطاس
حملي ثقيل وشايله بأحتمالي = واصبر على مر الليالي والأتعاس
وارسى كما ترسي رواس الجبالِ =ولايشتكي ضلعاً عليه القدم داس
لا خاب ظني بالرفيق الموالي = مالي مشاريهٍ على نا يذ الناس
لعل قصرٍ ما يجيله ظلالِ = ينهد من عالي مبانيه لساس
والبوم في تالي هدامه ليالي= جزاك يا قصر الخلا وكر الأدناس
لصار ما هو مدهلي الرجالِ = وملقى لي منه يشكي الضيم والباس
حسناك يا ممشى حقوق الخيالي = يا خالق اجناس ويا مفني اجناس

ان شاء الله تعجبكم وهو منقول للشاعر الا مير سعود بن محمد