عمري .. حياتي .. روحي ..

baby .. sweet heart ...

هل مازال الغزل او الكلام حلو مكان في حياتنا الزوجية؟

في وحدة تحكي تقول: بعد مرور عشرة سنوات من زواجها قالت لى راجلها

سمعني كلام حلو ليش ماعاش تقولي في كلام حلو زي زمان ..
رد عليها قاللها( تحشمي يامرى احني كبرنا )

قصدك لما الواحد يكبر ماعاش يقول لي مرته كلام حلو والا كيف؟

ليش ماتقولش لي مرتك كلام حلو ؟

اغلبية الرجال يخجلون من قول الكلام الحلو لي زوجاتهم حتي يكاد ينسي اسمها في اغلب الاوقات ويكتفي بقول (يامرى)

ليش لما تكو ن انت وياها معزومين في مكان لما اتجو مروحين وبتنادي علي مرتك تقول:

بالله عليك ناديلي علي المري قوليليها تطلع وكإنها ماعندهاش اسم
لهذة الدرجة اسمها تقيل علي لسانك

لما تروح من الشغل تلقي مرتك موتية هديكا الصفرة المرتبة تلقاها ياناري عليها من الصبح وهي تصنف وتحط لما اتجي تاكل ليش ماتحاولش تقول كلمة حلوة (يسلم هاليدين .. تعبناك اليوم .. شكرا الصفرة ماشاء الله قنينة .. يعني من هالجمل الي ترفع المعنويات

تاكل وادف الصفرة برجلك ولا كإنها دارت حاجة

مواقف هلبى تصير مايحاولش الزوج انه يعبر ولو بكلمة حلوة لي زوجته ليش مش عارفة ؟؟

هل تعتبر الكلام الحلو ينقص من رجوليتك او انه تخاف يقولوا عليك انت مراهق؟؟

والا اذا عبرت عن مشاعرك لي زوجتك هو دليل علي ضعفك امامها؟

ولكن السؤال هنا هل تتقبل الزوجات صمتكم ؟

شن الي يخلي الراجل اليبي ما يعبرش عن مشاعره تجاه زوجته

قولولي هي ردو عليا ودافعو علي روحكم .. يابنات شن رايكم تتحملي راجلك مايقولش كلام حلو ؟

ناقشو ا توة نولي ونشوف ردودكم