مـرحباً بـك في منتدى الـــزاد

.عمرك سمعت الماس قالوا صدا

السلام عليكم ورحمه الله وبركاته

عمرك سمعت الماس قالوا صدا ..... ولاّ الشمس زرقت في اوقات مساها

عمرك سمعت الزيت قالوا ندّا ..... ولاّ السبخه يوردوا عل ماها

عمرك سمعت الجبل ريح تهده ..... ولاّ عاصفه خمّد القش هواها

عمرك سمعت حريق عود يسده ..... ولا سيولاً صاعده مجراها

عمرك سمعت البحر جزره و مدّه ..... فيه السفينة ضامنة مرساها

عمرك سمعت الحوت جازي بدّا ..... ولاّ الغارز يحلبوا في لباها

عمرك سمعت ظليم فوقه عده ..... الخيل هاربه و بفارسه في قفاها

عمرك سمعت غبار داوى فدّه ..... ولاّ قافله هابت نبيح جراها

عمرك سمعت السعف يذبح حدّه ..... ولا الجربه ترد لمطلاها

عمرك سمعت اللفع فيه موده ..... ولا عناكب بيتها داراها

عمرك سمعت النذل قول يشده ..... ولا كريم الصايبة يخطاها

عمرك سمعت رجيل يلطم خده ..... ولا جبان الموت ما يخشاها

عمرك سمعت بارمله في العدة ..... عريس جاي قاري فاتحه و خذاها

عمرك سمعت بحاج عطّر يده ..... بثومه و قال المسك فيه كراهه

عمرك سمعت الفاتيكان فى جده ..... ولا كنيسه ع الرسول اسماها

عمرك سمعت ، اكيد لا لابدّ ..... و لا قولة ايه ان قلت ، نتفاجاها

مامن عجب ريناه في هالمده ...... العين كل شي تصدّقه خلاّها

ريت ام منقسمه جزاوي عدّه ..... و ماهمش بيها حاسّين ضناها

ريت دول للعدوان ما تصّدّى ..... و في شعوبها بالقمع ذاع نباها

ريت كم حاكم منبطح في الرده ..... لجورج مداس و مو مراعى جاهه

ريت كيف يرفع في الفيتو ضده ..... و هو فيه يستعطف تقول ايلاهه

ريت نفط ماشي للعدو مودّه ..... يغذي بوارج مدنّا مرماها

ريت القنابل نارها مشتده ..... حتى المدارس ما نجت من داها

ريت ابنيه سيسانها منهده ..... و كم عايله غم الركام اشلاها

ريت ارصفه منظر يجيب الغده ..... رقاريق دم و جثث ما تحصاها

ريت كم عيّل نصف وجهه عدّى ..... و كم شابّه متناثرات اعضاها

ريت كم شايب بالرصاص تردّى ..... و كمين ثكلى سيل دمع بكاها

ريت كم كلبً عاللحم يتغدى ..... و كم طفل كسرة خبز ما يلقاها

ريت الفقيره يدها ممتده ..... لغزة اتّبرّع بالذهب و دماها

ريت الضعيفه في العرب تجّدى ..... تبي سلاح بتغطي هوان خواها

ريت فنزويلي لليهود تحدى ..... و عربي سفاره من ضناه حماها

ريت وجه في رائيس ما يتندى ..... دوله تقتّل في اخوته خاواها

ريت باب في وجه الجريحه سده ..... بحجّة يفشّل في اهداف اعداها

ريت اجتماع اكبارنا في الشده ..... كليمات للتنديد ملّيناها

ريت ريت ياما ريت ياسر سده ..... طاب خاطري من سرد هلّي راها

رعاتنا ما يفارقوا المخده ...... و راعي الشياه يموت دون شياهه

يالله يا معين كيده رده ...... غازي غزى غزّه يريد فناها

كيف ما نصرت جيوشنا في الرده ..... انصرها و طهّر مالاوباش ثراها

قصيده جميله نقل مميز لكلمات وابيات معبره

السلام عليكم ورحمة الله وبركاته

سلمت أناملك يا متالقة على الإختيار المميز

والنقل الرائع والأسلوب الراقي

سلمت يداك

اختيار رائع وجميل
من عضوه متميزه
لقصيده معبره عن الوضع
العربي في هذه الايام
مشكوره اختي العزيزه
وياريت تم ذكر اصحاب القصيده
للحق الادبي

هذه القصيده لشاعران
الشاعر عبدالله قراب
والشاعر محمد الممهور
هم صديقان لي شخصيا
لهم مني كل التحايا
ولك كذلك
[وحدهم المشرفون لديهم صلاحيات معاينة هذه الصورة]

» قالوا عن المرأة
» كيف تطيل عمرك وتزيد حسناتك؟
» (عزايز ليبيات في يوم الحنه)، خش لأن نص عمرك في الموضوع ^^

مـرحباً بـك في منتدى الـــزاد

يـــــــا زائر

عمرك سمعت الماس قالوا صدا.....