kaled
تاريخ التسجيل : 29/04/2010
عدد المساهمات : 1065
نقاط : 7616
بطاقة الشخصية
الاعضاء:
 |  موضوع: الحكمه في كلام الناس الاولين  الجمعة سبتمبر 10, 2010 8:27 pm | |
| الحكمة في كلام الناس الاولين
***********
يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .
* كل حد وسعده .. حتى البرم ، وحدة تطبخ في السفناري ، وحدة تطبخ في اللحم .
* مدام ولدي حي يا سعدودي .. نوار قبرعون فوق خدودي .
* الشوارب تبوس .. والقلب فيه السوس .
* الفار الزرباز من سعد القطوس .
* اللي واخذ على طعامك ، وين يشبحك يجوع .
* صامت قليل الملح ما يتعدّى .. برّك احدانا ناقته وتغذّى .
* ما يحبّها شبح .... جابوهلّه عروس .
* في اللبس زوجة من ... وفي الشرف بنت من .
* كل شئ دواه الصبر ، إلا قلّت الصبر ماليهاش دواء .
* اللي ضرباته أمه راحت فيه .
* مشيت للبحر نشكي من كبر هبالي .. حتى البحر وخّر ووجعه حالي .
* غايضه واسمع مافي قلبه .
* كل شئ تلقاه في السوق ، كان أمك وبوك .
* اللي يحب روحه ، يقعد بروحه .
* شرْقه بريقك ، توّريك عدوّك من صديقك.
*الزير المليان ما يرنّش .
*برّاح وحماره راح .
*تعزّيك طاقيتي ياللي عباتك رايحه .
*جبّة راجلنا ولا الطلبه .
*حمل الجماعه ريش .
*خيار اللبّاس ما ستر وخيار اليكال ما حضر .
*دار الزاوالي مليانه بالقسم على الله .
*ركّبه وحاديه وشاوخه لا ينعس .
*زيّ السردوك ما ينقب كان عين خوه .
*سييها بلعين وقصّها بالجرّه .
*كواك للأجواد طُلبه .
*صغارالشيابين يعيشوا مهملين .
* طردها ما لحقها قلها برّي معتوقه.
*عاشر يا معاشر لابدّ من فراق .
*غارق والحبل قصير.
*قرد موالف ولا غزال شرود .
*كانت تشخر زادت بفّ.
*لقمة اليتيم معبّره .
*مشت للحمّام جابت ما تخبّر عام .
*نلحس مسنّي ونبات متهنّي .
*هاتي يا مدره قلّي يا سدره .
*ولدها في غمرها وتدوّر فيه .
*يلعن بو السلطان في غيبته .
*اللي عنده البارات يعوم سواء ظالم والاّ مظلوم
**********
ان شاءالله يعجبكم هالموضوع واللي عنده يزيد عليه
هذا كلام الناس لوله
مع الشكر والتقدير | |
|
نوري الحريريق
تاريخ التسجيل : 18/07/2010
عدد المساهمات : 436
نقاط : 5664
بطاقة الشخصية
الاعضاء:
| |
ـــزاد
